Terry Pratchett
Terence David John (Terry) Pratchett (mẹhe yin jiji to azán 28tọ Lidosun 1948) yin wekantọ Glẹnsinu de. E nọ kàn otàn nue ma wá aimẹ to jọwamọ-liho tọn lẹ, nujijọ lẹnunnuyọnẹn to he ma jọ taun lẹ, podọ e sọ nọ kàn owé na yọpọvu lẹ.
Hoyidọ delẹ sọn hodidọ etọn lẹ mẹ
jlado- Eyin a tindo ayiha he hùndonuvo na nudọnamẹ yọyọ lẹ, nuhahun he to emẹ wẹ yindọ gbẹtọ lẹ na nọ tẹnpọn whelẹponu nado nọ yí nudọnamẹ lẹ do emẹ.
- The Bromeliad Trilogy (Harper Collins), as cited by Reader's Digest November 2007. Reader's Digest Magazines Canada Ltd. Montreal. Vol 171 No. 1027. p. 49 ISSN 0034 0413
- Nuhe e zẹemẹdo: Eyin a wleawufo nado dotoai na mẹdevo lẹ, e na zọn bọ mẹsusu na tẹnpọn nado dọ ohó yetọn lẹ na we.
- E pọnte nado tin to ninọmẹ he ma bọawu de he ka to pinpọnte vudevude de mẹ, hugan nado tin to ninọmẹ he bọawu he ka wá to yinylan de mẹ.
- Lala, N'yin dopo to mẹhe ma nọ lẹnnupọn ganji ba lẹ mẹ to whenue pehẹ ninọmẹ he vẹawu de. Gblọndo lọ lẹ na wá ayiha ṣie mẹ to zánmẹ to whenue N'to amlọndọ! Gbọnvona enẹ, akuẹnọ daho de wẹ N'yin.
- Dile e nọ yin didọ to Discworld do, mí to tintẹnpọn nado mọnukunnujẹ Ganhunupotọ lọ mẹ gbọn hogbe pẹvipẹvi lẹ yiyizan dali.
- Gando Mapp go, n'ma lẹndọ e na yin zinzinjẹgbonu gbede to Amẹlika. E nọ dobuna zinjẹgbonu basitọ Amẹlika-nu lẹ. E taidi dọ yé ma mọnukunnujẹ emẹ. E do vogbingbọn tangan he tin to Europe-nu lẹ po Amẹlika-nu lẹ po ṣẹnṣẹn: Europe-nu de nọ dọdọ: N'ma sọgan mọnukunnujẹ ehe mẹ, Etẹwẹ to wiwà mi taun? Amẹlika-nu de nọ dọdọ: N'ma sọgan mọnukunnujẹ ehe mẹ, Etẹwẹ to wiwà ẹ taun? N'ma to didọdọ depope to yé mẹ wẹ sọgbe, nugbo lọ niyẹn poun.
- E ma yin zinzin wẹ nọ hẹn mí yin gbẹtọ, ṣigba linlẹn mítọn.
- Medelẹ to didọdọ yẹn ko mọ Jiwheyẹwhe. Ehe ma sọgan yin nugbo na n'ma ko mọ họnhungan ṣie lẹ, whẹwhinwhẹn ka tin dọ yé tin.
Usenet
jlado- To hohowhenu, gbẹtọvi lẹ ko tẹ́n aliho voovo lẹ pọ́n nado hoavùn sọta ylanwiwa... Dẹ̀hiho, nùbibla, azọ́n dagbe lẹ wiwà po mọmọ po. Kakajẹ whẹdazangbe tọn, mẹdepope ma ko lẹnnupọn gando osò go. 'Aovi he nọ hẹn okú ajiji wá'.
- Yé sọgan yí ogbẹ̀ mítọn lẹ amọ́ yé ma sọgan yí mẹdekannujẹ mítọn sọn mí si gbede! Todin, awhágbe awhàn tọn de tin he ma yin awuwlena gbọn mẹhe tindo nugopipe nulẹnpọn tọn dagbe de dali...
- Referring to a statement in the movie Braveheart, at alt.fan.pratchett (11 January 1999)
- Wema de ma dona yin wema dagbe de to ayilinlilẹn wehiatọ tọn kẹdẹ mẹ, kakatimọ e sọ dona yin wema dagbe de to ayilinlilẹn wekantọ lọ lọsu tọn mẹ ga.
- Lehe sika de nọ yawu wazọ́n do jiawu taun.
- On building the clacks, at alt.fan.pratchett (18 June 2002)
- To whenue tonudọtọ lẹ dọdọ "mí ma na kẹalọyi", e taidi dọ nuhe e zẹemẹdo poun wẹ nado gbidikọna wamọnọ lẹ dogọ, e ma yin akuẹnọ lẹ.
- Zọnmii, do whẹwhinwhẹn hia dọ n'ma dọ nugbo. Hẹn avọ̀ wẹkẹ lọ tọn gble. Bo pọ́n eyin kàn mi.
- Nuhe awhànfuntọ towe jlo taun, nuhe e jlo taun wẹ yindọ mẹde ni ma de osò do e blo.
- A ma sọgan yí osẹ́n do hẹn homẹhun gbẹtọ lẹ. Eyin a dọna gbẹtọ sọha de he nọgbẹ to owhe fọde die wayi lẹ dọ “Be homẹ towe na hùn to aihọn de mẹ fie nukunpedomẹgo dotowhé tọn tin to aimẹ na mẹlẹpo, owhé lẹ tin to wiweji, fie ohàn po nupinpọn po, po núdùdù po sọgan yin hinhẹn wá owhé towe gbe eyin a sú akuẹ pẹvide poun, nado tọ́nwhẹ̀n, etlẹ yin yì fidindẹn lẹ bọawu, nado jivi ma yin whẹho okú po ogbẹ̀ po tọn na onọ̀ kavi na ovi, azọ̀n adú tọn ma yin dehe na hùmẹ podọ e ma yin dandan dọ a ni wà nue ogán de dọ a ni wà” yé na lẹndọ Jelusalẹm yọyọ lọ hodọ wẹ a te bo na yigbe dọ ‘mọwẹ’.
- Nue dọ n'te wẹ yindọ n'ma na sú akuẹ susu de nado pọ́n dee, podọ yẹn lọ die.
- Mẹhe to azọ̀njẹ to Ankh-Morpork lẹpo wẹ nọ yì fie kanlin lẹ nọ yin nukunpedego te. Finẹ pọnte hugan. Doto he nọ penukundo kanlin lẹ go to dandannu glọ nado hẹn ẹn diun dọ nulẹpo sọgbe. Gbẹtọ lẹ nọ dọdọ "ojlo Jiwheyẹwhe tọn wẹ" to whenue gbẹtọ de kú, amọ́ yé nọ gblehomẹ to whenue oyìnsú yetọn de kú.
- "Nugbo wẹ dọ n'nọ kùnhún gbọn Bridgwater diblayin whelẹponu. Podọ po awuyiya po.
- Nuhe a tindo tofi ehe yin apajlẹ nuhe mí yọnẹn ganji tọn enẹ, Alọgọ wesẹdotẹn tọn de he ma yọ́n nudepope ṣigba bo ma na yigbe dọ emi ma yọ́n nudepope (E sọgan yin anazọ́nwatọ weyọnẹntọ de).
- "N'biọ ahànnutẹn de to zánmẹ gbedopo to Manchester to sadidi de whenu podọ ahànsatọ lọ dọdọ "A sọawuhia taidi mẹhe to yọnnu de din nado zanhẹ". To ojlẹ lọ mẹ, n'ma tlẹ to nulẹnpọn yì adà enẹ mẹ paali.
- N'ma yì wehọmẹ alavọ tọn. N'ma tlẹ fó adà de to emẹ. Amọ́ n'tindo awuvẹmẹ na mẹhe wàmọ lẹ.
- Jikun nọ ja taun to Bognor.
- Lord Vetinari (Kọgbidinamẹtọ de to owé etọn lẹ mẹ) yí sọwhiwhe do to ayido lehe gandudu Glẹnsinu lẹ tọn to nuyiwa gbọn to owhe vude he wayi lẹ mẹ. Ajò he họnwun taidi nuyiwa de he ma tlẹ wá aimẹ de na ẹn.
- Nọ fahomẹ po mẹhe a dukosọhẹ yọyọ lẹ po. Nugbo wẹ dọ susu yetọn ma nọ yinuwa di mẹhe bikan, susu yetọn wẹ yin wehọmẹvi lẹ.
- Mẹsusu wẹ jlo na yin kinkandai, ṣigba bo ma wamọ.