Discworld
Discworld yin owé adà debọdodego tọn lẹ de he yin kinkan gbọn Glẹnsinu Terry Pratchett dali bo sinai do Discworld, aihọ́n he to flala bo sinai do nẹgbé ajinaku ẹnẹ delẹ tọn he nọte do nẹgbé oklò daho de tọn, enẹ wẹ Great A'Tuin ji. Otàn lọ lẹ yin tito dó ogbẹ́ voovo susu lẹ ehe wa yin zẹemẹ-basina yinukọ̀n to hosọ́ Wikipedia tọn "Discworld reading order" (Glẹnsigbe) mẹ. Hosọ́ ehe sọ dọhó do hoyidọ lẹ sọn tito aihúndida video ji tọn adà debọdodego tọn ehe tọn mẹ lẹ ji.
The Colour of Magic (1983) jlado
- "E yindọ bẹwlu petepete wẹ abì yin, Ewọ lọ wẹ na yin mẹhe na ṣite to ofi yiaga de ji to jíkun wududu mẹ bo na bla gbaja ganvẹẹ nọ de bo nọ to awhádo dọmọ 'Ayọvi lẹ wẹ yẹwhe lẹpo yin'."
- Nue e ma yinwanna gando mẹwhlẹngántọ lẹ go wẹ yindọ yé blawu bo kuṣiọ sọmọ bọ yé nọ dibla hù yede titi to whenue ye ma ko nùahànmú, bo ka nọ wa dobu sọmọ bo sọgan hùmẹ to whenue ye nùahànmú godo.
- "E yọnbasi dọ ni sọ ylan hugan mọ," wẹ e dọ to aliho 'e yì whedenu' didonamẹ tọn mẹ. "E gan yin yẹn wẹ e na yin".
- Twoflower yin Timẹyitọ saditọ de, ewọ wẹ yin omẹ tintan he wá Discworld. Saditọ, Rincewind ko basi dide, "nulunọ" wẹ e zẹemẹdo.
- Nue mẹwhlẹngántọ lẹ nọ yinwanna hugan wẹ yede titi.
- Whẹwhinwhẹn dopo gee lọ nado zọ̀n afọ̀te biọ aglàn oku tọn mẹ wẹ yindọ na a nido gan penugo bo fìn adú sikanọ etọn lẹ.
- "Jaguda delẹ nọ mọ jọmaku yí gbọn nuyiwa kanyinylan tọn sinsinyen lẹ wiwa dali. Devo lẹ nọ mọ ẹn yí gbọn adọ̀kunnu susu bibẹpli dali. Amọ́ e ko dẹ̀n din bọ húnkùntọ-gán lọ ko do bayi nudide dọ, na emi tọn, aliho he mẹ emi na mọ jọ̀maku yí te lọ wẹ yindọ emi na de ma nado ku poun."
- "N'ko mọ aglinjijẹ, podọ N'ko sọ mọ awubla. Podọ awubla wẹ yọn hugan".
- 'To fie N'wá sọn, mí ma do yẹwhe lẹ', wẹ Twoflower dọ̀.
'A tindo,' wẹ Yọnnu lọ gblọn. 'Mẹlẹpo wẹ tindo yẹwhe lẹ. A ma haji yọnẹn dọ yẹwhe lẹ wẹ yé yin poun wẹ.'
The Light Fantastic (1986) jlado
.jpg)
- Wekantin do huhlọ́n hú ohí... eyin ohí onù lọ whègli, bọ wekantin lọ ka dá ganji.
To paa mẹ: Hodidọ lọ dọ̀ to whenue wekantin dá kẹdẹ wẹ e nọ dó huhlọ́n hugan ohí, to vivlẹ linlẹn he gbayipe lọ dọ yè sọgan tindo wadotana susu gbọn ohó susu didọ dali.
- Hojọho, ayiha ma fẹ́ do mi, amọ́ e yindọ atín lẹ jẹ hodọ hẹ mi ji, yẹnlọsu nọ na gblọndo yé.
- Zinvlù ma yin adà awetọ hinhọ́n tọn, e haji yin ninọmẹ he nọ sọawuhia eyin hinhọ́n hán wẹ.
- Ankh-Morpork ma yin tòdaho whànpẹnọ de, amọ́ ewọ wẹ tindo kọdetọn dagbe hugan. Nado dọ hojọho, e ma yọnwhànpẹ paali.
- Nue nọ jọ egbesọegbẹsọ wẹ oku yin, amọ́ nado ku to ayiha mẹ kavi nado honuplá ma yin onú paa de.
Equal Rites (1987) jlado
- "E tlẹ ko to pinplọ́n dọ eyin a ma hodo osẹ́n lẹ, mẹlẹ na jẹ linlẹn ji dọ osẹ́n lọ lẹ ma dù we".
- "Nado penugo bo wà nue ma yọnbasi de, nujọnu wẹ e yin nado hẹn ẹn do ayiha mẹ dọ nue a to tintẹnpọn nado wà lọ ma yin nue ma yọnbasi nado wadotana de".
- "Gbétato pẹvi tiun-tiun de wẹ, bọ yè ma tlẹ na mọ̀ ẹn hlan sọn osó ji".
Mort (1987) jlado
- 'Bọ e to yiyi pé bo to mẹlẹ hù wẹ a?' wẹ Mort kanse. E mimí ota. 'Whẹ̀dida-dodo ma tin.
Death wule. E dọmọ, 'Lala, yẹn janwẹ tin'
- 'E taidi dọ a ma yọn azọ́n he yọn-na-yizan depope' wẹ E
'Be a ka ko lẹnnupọn do mẹpinplọn ji a?
- 'A ma na mọ mẹde to ninọmẹ dagbe hugan etọn mẹ to azọ́n enẹ kọ̀n', wẹ Death dọ.
- Whenuho nọ saba whlá nudelẹ janwẹ. E ko tin to aimẹ na whenu dindẹ̀n.
- Dile etlẹ yindọ e ma nọ saba yin pinpọ́nhlan di awhànfunnu de, tomẹnu he to adì ji lẹ sọgan yi ì zan to aliho dagbe mẹ.
- "A ma na dù ehe dọ̀n," wẹ Cutwell dọ. E sọ lẹnnupọn na ojlẹ kleun de bo yidogọ dọmọ, "Amọ̀ ṣá, e yọnbasi dọ a ni dù ì dọ̀n, amọ́ e na wá vẹna we to oku-zàn towe ji bọ e na ko jlo wẹ dọ̀ — " E sọ nabọẹ.
Sourcery (1988) jlado
ṢIÁNṢIÁN, wẹ Death dọ̀.
- 'Podọ etẹwẹ gbẹtọvi lẹ na yin matin owanyi?'
ṢIÁNṢIÁN, wẹ Death dọ̀.
To paa mẹ: Matin owanyi, e na vẹawu dọ gbẹtọ ni tin, na yé ma na jivi.
- Mẹdepope ma nọ ze nuhọakuẹ-yinyin ofún kanlin lọ tọn daga sọ kanlin lọ lọsu.
- Na nugbo tọn, to whedelẹnu e nọ yi kanyinylán do doyà na mẹlẹ kaka bọ yé nọ ku, amọ́ nue nọ yin pinpọ́nhlan di walọyizan he sọgbe hẹ ogán de bosọ yin alọkẹyi gbọn suhugan tovi lẹ tọn lọsu dali niyẹn.
- Nugbo ma nọ whlá do lalo lẹ glọ, podọ e nọ didi sọn alọmẹ na mẹhe hẹn e go lẹ tọn mẹ.
- Mẹdelẹ lẹndọ obú wẹ e yin, amọ́ e ma yinmọ́. Butọnọ lẹ haji nọ lẹndo mẹlẹpo wẹ to danú na wà do emi poun wẹ. Amọ́ bojlẹtọ de nọ yọnẹn wẹ.
- 'Ohẹ́n ma yin nude na mi,' wẹ Seriph dọ̀. 'nado nọ̀ma nuahànmu wẹ yin nue vẹawu na mi.'
- Yí nue dọ̀ N'te ehe sè, nude ma blawu sọ dọ mẹde ni tẹnpọn nado wà dagbe na aihọ́n lọ.
- "Nue dọ̀ N'te wẹ yindọ", wẹ Ipslore dọ̀ po awubla po, "etẹwẹ tin to ogbẹ̀ ehe mẹ wutu yè na gbẹ pò to gbẹnọ?"
Death lẹnnupọn deji.
enẹgodo e dọmọ, 'Asé lẹ. Asé lẹ yọn'.
- Oku ma ylanhun – e blawu poun dọ e yọn azọ́n etọn wà ganji wẹ.
Wyrd Sisters (1989) jlado
- Yẹwhe depope to fidepope ma nọ hò chess. Aihún he bọawu, bo bẹ danuwiwa hẹn lẹ wẹ yé yinwanna, ehe mẹ yè ma nọ mọ̀ ninọmẹ gbigbọmẹ bibiọ tọn yí ṣigba bo nọ dasá biọ ninọmẹ he mẹ mẹlọ ma nọ yọ́n nue to lọ yiyi lẹdo e ba te mẹ tọn tlọlọ; Aliho dagbe hugan nado mọnukúnnujẹ sinsẹ̀n lẹpo mẹ wẹ yindọ nue yẹwhe de nọ pọ́nhlan di awuvivinu wẹ Odàn lẹ po Ayla he yè sá amì do afọ̀donu etọn lẹ go lẹ po.
- Nulẹpo ko gbọṣi nọtẹn he mẹ yé te sọn whenue gbọ́n yè ko ze e do finẹ. Geography wẹ yè nọ ylọ ẹ dọ.