Wekanhlanmẹ Hlan Efesunu Lẹ

wekanhlanmẹ hlan Efesunu lẹ he ye sọ nọ ylọ to kleun mẹ dọ Efesunu lẹ yin owe oatọ́ alẹnu yọ́yọ́ tọn. Paulu apọsteli wẹ yin pipa taidi mẹhe kàn owe lọ, mahopọnna dọ ehe e ko yin nukundiọsọ.

Hoyidọ delẹ sọn Owe Lọ Mẹ jlado

  • Pipà ni tin hlan Jiwheyẹwhe podọ Otọ́ Oklunọ mítọn Jesu Klisti tọn, na ewọ ko yí dona gbigbọmẹ tọn lẹpo he tin to lẹdo olọn tọn lẹ mẹ to kọndopọ mẹ hẹ Klisti do dona mí,dile ewọ ko de mí nado tin to kọndopọ mẹ hẹ ẹ jẹnukọnna didá aihọn tọn, na míwlẹ nido yin wiwe bo ma tindo oblọ to owanyi mẹ to Jiwheyẹwhe nukọn. Na ewọ ko de mí jẹnukọn nado yin sọdodovi gbọn Jesu Klisti gblamẹ taidi ovi etọn titi lẹ,to kọndopọ mẹ hẹ nuhe nọ hẹn homẹ etọn hùn po ojlo etọn po, nado hẹn pipà wá na ẹn na nukundagbe majẹhẹ gigonọ etọn he ewọ yí homẹdagbe do na mí gbọn mẹyiwanna etọn gblamẹ. Gbọn mẹhe gblamẹ míwlẹ mọ tundote yí gbọn ofligọ he omẹ enẹ yí ohùn etọn do basi lọ gblamẹ,mọwẹ,yèdọ jona sẹ́nmẹjijẹ mítọn lẹ tọn, sọgbe hẹ nukundagbe majẹhẹ susugege etọn. Ewọ na mí nukundagbe majẹhẹ ehe susugege to nuyọnẹn po nukunnumọjẹnumẹ lẹpo po mẹ gbọn aṣli wiwe ojlo etọn tọn hinhẹn zun yinyọnẹn na mí dali. Ehe sọgbe hẹ nuhe nọ hẹn homẹ etọn hùn he ewọ lọsu ko lẹn nado ze tito anadenanu tọn de dai to whenue ojlẹ dide lọ lẹ pé nado sọgan bẹ nulẹpo pli dopọ to Klisti mẹ, yèdọ nuhe tin to olọn mẹ lẹ po nuhe tin to aigba ji lẹ po.

Efesunu lẹ 1:3-10

  • Mímẹpo wẹ ko to ṣẹnṣẹn yetọn to ojlẹ de mẹ wayi bo ko nọ yinuwa to kọndopọ mẹ hẹ ojlo agbasalan mítọn tọn lẹ bosọ nọ to nuhe yin ojlo agbasalan po linlẹn mítọn tọn lẹ po wà, podọ to jọwamọ-liho ovi homẹgble tọn wẹ míwlẹ kẹdẹdi mẹhe pò lẹ. Efesunu lẹ 2:3
  • Na ewọ wẹ yin jijọho mítọn, yèdọ mẹlọ he hẹn pipli awe lọ lẹ yin dopo bo họ́ adó he gbò ṣẹnṣẹn yetọn lọ sẹ̀. Gbọn agbasalan etọn dali, ewọ de okẹ̀n lọ sẹ̀, yèdọ osẹ́n lọ he bẹ gbedide lẹ po osẹ́ndoai lẹ po hẹn, na ewọ nido sọgan yí pipli awe lọ lẹ do basi mẹyọyọ dopo to kọndopọ mẹ hẹ ede bo na hẹn jijọho wá.

Efesunu lẹ 2:14-15

  • Mì gbọ adi sinsinyẹn,homẹgble,adánjijẹ,awhá po mẹzunzun wunmẹ lẹpo po ni dẹn do mì gọna nuylankan lẹpo. Ṣigba,mì lẹzun homẹdagbenọ hlan ode awetọ bo gọ́ na awuvẹmẹ sisosiso bosọ nọ jona ode awetọ sọn ojlo mẹ wá kẹdẹdile Jiwheyẹwhe lọsu gbọn Klisti dali jona mì sọn ojlo mẹ wá do. Efesunu lẹ 4:31-32
  • To aliho dopolọ mẹ, asu lẹ dona nọ yiwanna asi yetọn taidi agbasa yetọn titi. Sunnu he yiwanna asi etọn yiwanna ede.

Efesunu lẹ 5:28

  • Mì yin afanumẹ he tindo pọndohlan dagbe lẹ, taidi na Jehovah, e ma yin na gbẹtọ lẹ,na mìwlẹ yọnẹn dọ dagbe depope he mẹdopodopo wà, ewọ na mọ ale etọn yí sọn Jehovah dè,vlavo ewọ yin afanumẹ kavi mẹhe to edekannu.

Efesunu 6:7-8

  • To popolẹpo mẹ, mì nọ to huhlọn mọyi sọn Oklunọ dè podọ sọn huhlọn daho etọn mẹ. Mì ze gbaja Jiwheyẹwhe tọn blebu do,na mì nido penugo nado nọte gligli sọta ayiha wintinwintin Lẹgba tọn lẹ; na ahididi he mí tindo ma yin sọta ohùn po agbasalan po,ṣigba sọta gandudu lẹ, sọta aṣẹpipa lẹ, sọta ogán aihọn zinvlu ehe tọn lẹ,sọta huhlọn gbigbọ ylankan olọn tọn lẹ. Na ehe wutu, mì ze gbaja Jiwheyẹwhe tọn blebu hẹn, na mì nido penugo nado nọavùnte to azán ylankan gbè podọ, to whenue mì ko dotana nulẹpo godo, nado nọte gligli. Enẹwutu, mì nọte gligli bo yí gbànnú nugbo tọn do blagbajana alinkàn mìtọn bosọ ze tùnudo dodowiwa tọn do bo doafọpa na afọ mìtọn lẹ to awuwiwle mẹ nado lá wẹndagbe jijọho tọn.

Gbọnvona ehe lẹpo, mì ze awọ̀yinu daho yise tọn, ehe mì sọgan yí do ṣimiyọ́n ogá miyọ́nnọ mẹylankan lọ tọn lẹpo. Humọ, mì kẹalọyi ogangbakun whlẹngán tọn, podọ ohí gbigbọ tọn, enẹ wẹ ohó Jiwheyẹwhe tọn, to ninọmẹ gbigbọmẹ tọn lẹpo mẹ, mì nọ gbọṣi odẹ̀ po ovẹvivẹ wunmẹ lẹpo po mẹ. Podọ na ehe wutu, mì nọ gbọṣi nukle bo nọ to ovẹvivẹ basi do ota omẹ wiwe lẹpo tọn mẹ to whepoponu. Mì nọ hodẹ̀ na mi ga, dọ nuhe yẹn na dọ nido nọ yin nina mi to whenue yẹn kẹnù, na yẹn nido penugo nado dọho po adọgbigbo po nado hẹn aṣli wiwe wẹndagbe lọ tọn zun yinyọnẹn ehe tamẹ yẹn to nuyiwa te taidi afọzedaitọ de to gẹdẹ mẹ, podọ na yẹn nido yí adọgbigbo do dọho etọn, dile yẹn dona dọ do. Efesunu lẹ 6:10-20

Nọtẹn dopedido tọn devo lẹ jlado