Wẹndagbe Johanu tọn

Wẹndagbe lọ Sọgbe hẹ Johanu [To Glekigbe mẹ: τὸ κατὰ Ἰωάννην εὐαγγέλιον] he yin yinyọnẹn to paa mẹ di Wẹndagbe Johanu tọn kavi Johanu poun, yin kandai lizọnyizọn Jesu tọn, he bẹjẹeji po nujijla lọ po dọdọ ohó lọ po Jiwheyẹwhe po tin to kọndopọ mẹ, podọ Jesu yin ohó lọ he yin vivọji podọ e sọ yin ovi Jiwheyẹwhe tọn. E zindonukọn po numimọ Johanu Baptizitọ lọ tọn lẹ po bo wá vivọnu po okú, ṣiọdidi, fọnsọnku, po awusọhia Jesu tọn lẹ to fọnsọnku etọn godo lẹ po. Kandai ehe yin ẹnẹtọ to owe wẹndagbe tọn lẹ mẹ he yin alọkẹyi gbọn klistiani lẹ dali.

Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo.

Jesu viavi.

Hoyidọ lẹ

Mìwlẹ nasọ yón nugbo, nugbo lọ nasọ hẹn mì jẹ mẹdekannu.

Yen we ohòn lọ: eyín mẹde biọ họmẹ gbọn dẽ, ewọ lọ wẹ yè na whlẹngan, ewọ nasọ biọ họmẹ bo nasọ tọ́njegbonu, bo nasọ mọ kanlindugbo. Ajotọ ma wá, adavo dọ e nido fìnnú bo hù, bo vasúdo: yẹn wá na yé nido tindo ogbè, yèdo na yé nido tindo sugege.

Yen wẹ lẹngbọhọtọ dagbe lọ: lẹngbọhọtọ dagbe zé ogbè etọn dai na lẹngbọ lẹ.

Osẹn yoyó de wẹ yẹn na hlan mì, Dọ mì ni yiwanna mìzọzo: dile yen yiwanna mì, na mìwlẹ ga ni yiwanna mìnọzọ. Gbọn ehe dali wẹ gbẹtọ lẹpo na yọnen dọ nuplọntọ ṣie wẹ mì, eyín mìwlẹ tindo owanyi hlan minọzo.

Yẹn ko pagigona we to aihọn mẹ; yẹn ko dotana azọn he hiẹ na mi nado wà lọ.

Podọ gigo he hiẹ na mi, yẹn ko na hlan yé; na yé nido yín dopo, yèdo dile mìwlẹ yín dopo do. Yen to yé mẹ, podọ hie to yen mẹ; na yè nido hẹn ye yín pipe to dopo mẹ; na aihọn nido yọnen dọ hie we do mi hlan, bo sọ yìwanna yé, yedo dile hiẹ yiwanna mi do.

• Ἐν ἀρχῇ ἦν ὁ λόγος, καὶ ὁ λόγος ἦν πρὸς τὸν θεόν, καὶ θεὸς ἦν ὁ λόγος. οὗτος ἦν ἐν ἀρχῇ πρὸς τὸν θεόν. πάντα δι’ αὐτοῦ ἐγένετο, καὶ χωρὶς αὐτοῦ ἐγένετο οὐδὲ ἕν. ὃ γέγονεν ἐν αὐτῷ ζωὴ ἦν, καὶ ἡ ζωὴ ἦν τὸ φῶς τῶν ἀνθρώπων· καὶ τὸ φῶς ἐν τῇ σκοτίᾳ φαίνει, καὶ ἡ σκοτία αὐτὸ οὐ κατέλαβεν.
• TO whéwhẹwhenu we Ohó lọ ko tin, Ohó lọ ko tin po Jiwheyẹwhe po, Ohó lọ wẹ Jiwheyẹwliẹ.
  • Johanu 1:1 KJV

• Ewọ lọ wẹ ko tin to whẹwhẹ whenu po Jiwheyẹwhe po.
  • Johanu 1:2 KJV

• Gbọn alọ etọn me wẹ yè dá onú popo, to godo etọn onú de ma tin bọ ye sọ dá to onù he yè dá lepo me.
  • Johanu 1:3 KJ V

• Ewọ mẹ wẹ ogbè te; ogbè lọ sọ wẹ kinhon gbẹtọ lẹ tọn.
  • Johanu 1:4 KJV

• Hinhọ́n lọ sọ hón to zinvlu me; zinviu lọ ma sọ kẹn.
  • Johanu 1:5 KJV

• Dawe de wá bọ yè dohlan sọn Jiwheyẹwhe de, oyín mẹheton nọ yin Johanu Ewọ lọ wẹ wá di kunnudetọ, nado dekunna na hinhọ́n lọ, na gbẹtọ lẹpo nido yise gbọn ewọ dali Ewọ ma wẹ hinhọ́n lọ gba, ṣigba e wá nado dekunnu na hinhọ́n lọ. Ehe wẹ hinhọ́n nugbo lọ, yèdọ hinhọ́n he to wunhón na gbẹtọ lẹpo, he wiwá aihọn mẹ. Ẹwọ ko tin to aihon me, gbọn ewọ mẹ wẹ yè dá aihọn, aihọn ma sọ yón ẹn. E wá na onú etọn lẹ, ọmẹ etọn lẹ ma sọ yí i. Ṣigba yé omẹ sọha he yí i lẹ, yé we é na ojlọjẹ nado lẹzùn visunnu Jiwheyẹwhe tọn, yèdọ mẹhe yise to oyín etọn mẹ lẹ: mehe yè ji, é ma yín gbọn ohùn dali, kavi gbọn ojlo agbasalàn tọn dali, mọ é ma yín gbọn ojlo gbẹtọ tọn dali, adavo sọn Jiwheyẹwhe dali.
  • Johanu 1:6‭-‬13 KJV

• Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po. Johanu dekunnu nẹ, bo dawhá, dọmọ, Ehe wẹ, ohó mẹhe tọn yẹn dọ, dọmọ, Mẹhe ja to godo ṣie, é húgan mì; na é ko lẹzùn nukọntọ na mi wutu. Na sọn gigọ́ etọn mẹ wẹ mí omẹ pó mọyí te, podọ ojọmiọn na ojọmiọn. Na gbọn Moṣe me wẹ yè na osén omẹ, ṣigba Jesu Klisti mẹ wẹ ojọmiọn po nugbo po gbon wá. Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.
  • Johanu 1:14-‬18‭ KJV

• Jesu so gblọn bo dọ hlan ẹn domọ, Hiẹ wẹ meplọntọ Islaeli tọn lọ bo mà yọn onú helẹ gba? Nugbo, núgbo, wẹ yen dọ hlan we, Mìwlẹ to onu he mí yonẹn lẹ dọ, bo sọ to kunnu onu he, mí mọ lẹ tọn de; mìwlẹ ma sọ yí kunnude mìtọn. Eyín yẹn dọ onú aihọn he tọn lẹ na mì, bo mì ma yise, nawẹ mì na yise do, eyín yẹn dọ onu olọn tọn na mì? Mẹde ma hẹ aga yì olọn, adavo mehe jete son olọn, yèdọ Ovi gbẹtọ: tọn lọ Dile Moṣe zé odàn do aga to zùngbo mẹ, mọkẹde wẹ yè ma sọgan nọ ma zé Ovi gbẹtọ tọn do aga: na medepope he yise nido tindo ogbè madopodo to e me; Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo Na; Jiwheyẹwhe ma do Ovi hlan aihọn mẹ nado dawhèna aihon gba: sigba nido tindo ogbè madopodo Na; Jiwheyẹwhe ma do Ovi hlan aihọn mẹ nado dawhèna aihon gba: ṣigba na yè nido gbon ewọ me whlẹn aihọn gán. Mẹdepope he yí i se yè ma dawhẹna gba ewọ he ma yí i sè yè ko dawhè nẹ dai, na é ma yí oyín Ovi dètón dopo akan Jiwheyẹwhe ton lọ sè wutu. Ehe wẹ owhè, dọ hinhọ́n wá aihọn mẹ, bọ gbẹtọ yíwánna zinvlu hú hinhòn, na ylan wẹ azon yetọn lẹ wutu. Na medepope he wẹ danu wa nọ gbẹwanna hinhọ́n, é ma sọ nọ wá hinhọ́n nu, yè nikã wọhe azón eton le. Ṣigba mẹhe wa nugbo we nọ wa hinhọ́n nu, na yè nido do azon etọn lẹ hia, dọ yè basi yé to Jiwheyẹwhe me.
  • Johanu 3:10‭-‬21 KJV

• Enẹwutu Ju lẹ sọ din susu nado hu i, e ma yin e hẹn gbọjezán gble tọn kẹdẹ wutu gba, ṣigba é dọ ga, dọ Jiwheyẹwhe wẹ Otọ etọn, é basi ede sọzẹn he Jiwheyẹwhe.
  • Johanu 5:18 KKV

• Ehe paṣa mì blo, na ojlẹ lọ ja, to ehe mẹ mẹhe to yọdò oflin tọn lẹ mẹ lẹpo na sè ogbè etọn bo tọ́njẹgbonu, mẹhe wà dagbe lẹ na fọnsọnku ogbẹ̀ tọn bọ mẹhe wà nuylankan lẹ na fọnsọnku whẹdida tọn.
  • 5:28-29, Owe Wiwe lẹ—Lẹdogbedevomẹ Aihọn Yọyọ Tọn

• Eyín yẹn to kunnudena dẽ, okunnu ṣie ma yín nugbo gba.
  • Johanu 5:31 KJV

• Nugbo, nugbo, wẹ yẹn dọ hlan mì, Adavo mi dù olan Ovi gbẹtọ ton tọn, bo sọ nù ohùn etọn, mì ma tindo ogbè to mì mẹ gba. Mẹdepope he dù olan ṣie, bo sọ nù ohùn ṣie, é tindo ogbẹ́ madopodo; yẹn nasọ fọ́n ẹn do ote to ozán podo gbè. Na olan ṣie wẹ akla nugbo, ohùn ṣie sọ wẹ núnùnù nugbo. Mehe dù olan ṣie, bo sọ nù ohùn ṣie, ewọ to nìnò yen me, yen sọ to ninọ ewọ mẹ.
  • Johanu 6:53‭-‬56

• Mehe tin matin ylando to mì ṣẹnṣẹn, gbọ ewọ whé ni dlẹn zannu do e.
  • Johanu 8:7 KJV

• Mìwlẹ nasọ yón nugbo, nugbo lọ nasọ hẹn mì jẹ mẹdekannu.
  • Johanu 8:32 KJV

• Nugbo, nugbo, wẹ yẹn dọ hlan mì, Whẹpo yè ji Ablaham, yẹn tin.
  • Johanu 8:58 (KJV)

• Yen we ohòn lọ: eyín mẹde biọ họmẹ gbọn dẽ, ewọ lọ wẹ yè na whlẹngan, ewọ nasọ biọ họmẹ bo nasọ tọ́njegbonu, bo nasọ mọ kanlindugbo. Ajotọ ma wá, adavo dọ e nido fìnnú bo hù, bo vasúdo: yẹn wá na yé nido tindo ogbè, yèdo na yé nido tindo sugege. Yen wẹ lẹngbọhọtọ dagbe lọ: lẹngbọhọtọ dagbe zé ogbè etọn dai na lẹngbọ lẹ.
  • Johanu 10:9‭-‬11 KJV

• Dopo wẹ yẹn po Otọ́ po.
  • Johanu 10:30 KJV

• Ju lẹ so vo ze ozannu daga nado dlẹn do e. Jesu gblọnna yé do, Azón dagbe susu wẹ yen yí hia mì sọn Otọ́ de; ete to azon nele mẹ we mì to zannu dlẹn do mi na? Ju le sọ gblọn nẹ, dọ, Mìwlẹ ma to zannu dlẹn do we na azọ́n dagbe de gba; ṣigba na nuzinzan; podo hie he yín gbẹtọ yí dewe do basi Jiwheyẹwhe wutu.
  • Johanu 10:31‭-‬33 KJV

• Jesu viavi..
  • Johanu 11:35 KJV

• Ṣigba ogán yewhenọ lẹ tọn, yí hónamẹ na yé nido hù Lazalosi ga; na ewọ tọn wutu wẹ Ju susu do yì, bo sọ yí Jesu se.
  • Johanu 12:10‭-‬11 KJV

• Osẹn yoyó de wẹ yẹn na hlan mì, Dọ mì ni yiwanna mìzọzo: dile yen yiwanna mì, na mìwlẹ ga ni yiwanna mìnọzọ. Gbọn ehe dali wẹ gbẹtọ lẹpo na yọnen dọ nuplọntọ ṣie wẹ mì, eyín mìwlẹ tindo owanyi hlan minọzo.
  • Johanu 13:34‭-‬35 KJV

• Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali.
  • Johanu 14:6 KJV

• Ewọ he ko mọ mì ko mọ Oto.
  • Johanu 14:9 KJV

• Eyín mì kàn nudepope biọ to oyín ṣie mẹ, yẹn na basi i.
  • Johanu 14:14 KJV

• Yẹn nasọ hodè hlan Otọ́, ewọ nasọ na Homẹjladoto devo mì, na dọ ewọ nido tin to mì de kaka doi; yèdọ Gbigbọ nugbo tọn; mẹhe aihọn ma sọgan yí, na é ma mọ ẹn, mọ é ma yón ẹn; ṣigba mìwlẹ yón ẹn; na ewọ nọnọ̀ mì de, bo nasọ tin to mì mẹ. Yẹn ma na jo mì do mẹdesọnajinọkòn gba: yẹn sọ ja mì de.
  • Johanu 14:16‭-‬18 KJV

• Yẹn wẹ ovẹntin lọ, mìwlẹ wẹ alà lẹ: ewọ he nọnọ̀ yẹn me, podọ yẹn to ewo me, dopolọ wẹ hẹn sinsẹ́n susu: na jijẹla sọn dè mìwlẹ ma sọgan wà núde.
  • Johanu 15:5 KJV

• Ehe wẹ osén ṣie, Dọ mì ni yiwanna, mìnozo, yèdọ dile yẹn yiwanna mì do. Mede ma tindo owanyi he klo hú ehe, dọ mẹde zé ogbè eton liai na hontọn etọn lẹ.
  • Johanu 15:12‭-‬13 KJV

• Yẹn dọ onú ehelẹ na mì, na gbọn yẹn gblamẹ, mì nido sọgan tindo jijọho. To aihọn mẹ, mì na nọ tindo nukunbibia, ṣigba mì gboadọ! N’ko gbawhàn aihọn tọn.”
  • Johanu 16:33, NWT

• ONÚ helẹ wẹ Jesu dọ, zizé nukun etọn daga hlan olọn, é dọmọ, Otò, ojlẹ lọ wá; pagigona Ovi towe; na Ovi lọ nido pagigona we: yèdọ dile hiẹ na asè ẹ to agbasalan lẹpo ji dọ nudepope hiẹ na ẹn ewọ ni na ogbè madopodo yé. Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti. Yẹn ko pagigona we to aihọn mẹ; yẹn ko dotana azọn he hiẹ na mi nado wà lọ. Dinvie, Otọ́ È, yí dewe titi do pagigona mi po gigo lọ po he yẹn ko tindo to de we whẹpo aihọn do jọ. Yẹn ko do oyín towe hia omẹ he hie na mi sọn aihọn mẹ lẹ: towe we yé, hiẹ sọ yí yé na mi; yé ko sọ yín ohó towe. Yé ko yọnẹn dinvie dọ, nudepope he hiẹ ko na mi de we wẹ é sọn. Ná ohó he hiẹ na mi lẹpo wẹ yẹn ko na hlan yé; yé ko yí yé, bo sọ yọnẹn hézéhezé do, de we we yẹn sọn wá, yé ko sọ yise dọ hiẹ wẹ do mi hlan. Yen hodè na yé; yen ma hodè na aihọn gba, ṣigba na mẹhe hie yí na mi lẹ; na towe we yé. Podọ towe wẹ onú he yín ṣie lepo, towe lẹpo sọ wẹ ṣie; yè sọ to gigopana mi to yé mẹ. Dinvie yẹn ma sọ tin to aihọn mẹ ba, ṣigba ehelẹ tin to aihọn mẹ, yen sọ ja de we. Oto Wiwe, whlá yé he hiẹ na mi lẹ to oyín dewe tọn mẹ, na yé ni yín dopo, yèdọ dile mìwlẹ te. Whenuena yẹn tin to ye de, yẹn whla yé he hiẹ na mi to oyín towe mẹ: yen sọ hò yé, dopo sọn yé mẹ ma dòn, adavo visunnu vivà tọn; na owé wiwe lọ nido yín didi. Dinvie yẹn ja de we; onú hele wẹ yẹn dọ to aihọn mẹ, na yé nido tindo ayajijẹ ṣie to gigọ́ mẹ to yéde mẹ. Yẹn ko na ohó towe yé; aihọn sọ gbẹwanna yé, na yé ma yín aihọn tọn wutu, yèdọ dile yẹn ma yín aihọn tọn. Yẹn ma basi okanbiọ dọ, hiẹ nido fò yé sọn aihọn mẹ gba, ṣigba dọ hiẹ ni whlá yé sọn oylan mẹ. Ye ma yin aihọn tọn, yèdọ dile yẹn ma yín aihọn tọn do. Lè yé wé to nugbo towe mẹ: ohó towe wẹ nugbo. Dile hiẹ do mi hlan aihọn mẹ; yèdọ mọwẹ yẹn do yé hlan aihọn mẹ. Na yé tọn wutu wẹ yẹn lè dẽ wé, na yé lọsu ga nido yín lilẹwé to nugbo lọ mẹ. Yẹn ma sọ hodè na ehelẹ kẹdẹ gba, ṣigba na yé ga he na yí mi se gbọn ohó yetọn mẹ lẹ; na yé omẹ pó nido yin dopo; yèdọ dile hiẹ, Otọ́, te to yẹn mẹ, bo yẹn tọ hie mẹ, na yewle ga nido yín dopo to mìwlẹ mẹ: na aihọn nido yise dọ hiẹ wẹ do mi hlan. Podọ gigo he hiẹ na mi, yẹn ko na hlan yé; na yé nido yín dopo, yèdo dile mìwlẹ yín dopo do. Yen to yé mẹ, podọ hie to yen mẹ; na yè nido hẹn ye yín pipe to dopo mẹ; na aihọn nido yọnen dọ hie we do mi hlan, bo sọ yìwanna yé, yedo dile hiẹ yiwanna mi do. Otọ́, Enẹlẹ he hiẹ na mi lẹ yẹn jlo dọ ofì he yen te yéwle ga ni tin to dẽ; na yé nido to gigo ṣie he hiẹ ko na mi pọ́n: na hie yiwanna mi jẹnukọnna jijo aihon tọn. Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan. Yẹn sọ hen oyín towe zùn yinyonẹn hlan yé, bo nasọ hẹn ẹn zun yinyonẹn: na owanyi ehe hiẹ do yiwanna mi, nido tin to yé mẹ, podọ yẹn to yé mẹ.
  • Johanu 17:1‭-‬26 KJV

• Enẹwutu whenuena é yín whèjai azán doponẹ tọn, azán tintan osè tọn, whenuena yè ko sú ohòn lẹ, to ofì he nuplọntọ lẹ pli do, ná osi Ju lẹ tọn wutu, Jesu wá, bo ṣite to yé ṣẹnṣẹn, bo dọ hlan yé, dọ, Jijọho ni tin hlan mì.
  • Johanu 20:19 KJV

Sọ pọ́n

• Wẹndagbe Matiu Tọn
• Wẹndagbe Malku tọn
• Wẹndagbe Luku tọn
• Wẹndagbe Tọmasi tọn
• Jesu