Sọlomọni

Sọlomọni dugán do Ahọluduta Islaẹli tọn po Juda tọn po ji to owhe kanweko 10tọ JWM. E yin visunnu Ahọlu Davidi tọn podọ ewọ wẹ kàn suhugan apadewhé Owe Biblu tọn Howhinwhẹn lẹ tọn po Yẹwhehodọtọ blebu po, e sọ yin yẹwhenọ de to Sinsẹ̀n Male tọn po Baha'i po tọn mẹ.

Gigo Jiwheyẹwhe tọn wẹ nado whlá onú: Ṣigba yẹyi ahọlu lẹ tọn wẹ nado dindòna owhẹ́.

Whẹ̀dida Sọlomọni tọn, yẹdide de to adó go, Castelli, owhe kanweko 18tọ, nuhoho-sẹdotẹn Lille tọn

Hoyidọ lẹ

Ayajẹnọ wẹ mẹlọ he mọ nuyọnẹn … Atin ogbẹ̀ tọn de wẹ e yin na mẹhe nọ tẹdego lẹ, Podọ ayajẹnọ wẹ mẹhe nọ hẹn e go gligli lẹ.

Na Jiwheyẹwhe na hẹn azọ́n lẹ dopodopo wá whẹ̀dida kọ̀n, po onú whiwhlá lẹ dopodopo po, eyín é yín dagbe, kavi é yín yinylan.

Mẹnu wẹ taidi dawe nuyọnẹntọ lọ? Mẹnu wẹ yọ́n lehe yè nọ didẹ nuhahun de do? Nuyọnẹn gbẹtọ tọn nọ hẹn nukunmẹ etọn họ́n bosọ nọ de nukunmẹ yinylọ́n etọn sẹ̀. Yẹn dọmọ: “Setonuna gbedide ahọlu tọn, na whiwhle towe to Jiwheyẹwhe nukọn wutu. A yawu nado tọ́n sọn nukọn etọn blo. A sọ nọgodona nuylankan depope blo; na ewọ sọgan wà nudepope he jlo e, na ohó ahọlu tọn ma nọ yin agọjẹdo; podọ mẹnu wẹ sọgan dọna ẹn dọ, ‘Etẹ wà wẹ a te?

To yẹdide ehe, he yin dopo yẹdide nukundeji yetọn mẹ, Vincenzo I Gonzaga po asi etọn Eleonora de’ Medici po yin dide to do apá na Ahọlu Sọlomọni po Ahọsi Sheba tọn po. Otàn Alẹnu Hoho owe Biblu tọn ehe yin dide na whẹndo Gonzaga Mantua tọn lẹ nọ dọdọ emi tindo kanṣiṣa hohowhenu tọn de po Ahọsi Sheba po. Yẹdide ehe yin bibasi nado do nujijọ jọun de he jọ to 1600 hia, to whenue Ahọvi Mantua tọn lẹ gbọn Bologna to whenue yé jei hùnwhẹ alọwle hẹnnumẹ yetọn Maria de’ Medici tọn, mẹhe to alọwle hẹ Henry IV, France tọn.

• Dòdo oyọnẹn tọn wẹ osi OKLUNỌ tọn: Ṣigba oklenọ vlẹ nuyọnẹn po mẹplọnlọ po.
  • Howhinwhẹn lẹ 1:7, KJV

• Ovi ṣie, a vlẹ wọhẹ OKLUNỌ tọn blo; Mọ a dike núdikòna we na hókọnamẹ etọn blo. Na mẹhe OKLUNỌ yiwanna wẹ é nẹ kóhóna, Kẹdẹdile otọ́ nọ kóhóna ovi he go homẹ etọn hùn do. Jijọhonọ wẹ dawe lọ he din ayitùnnugo mọ, Po dawe he duale zìnzìn tọn po.
  • Howhinwhẹn lẹ 3:11‭-‬13, KJV

• Ayajẹnọ wẹ mẹlọ he mọ nuyọnẹn, Podọ mẹlọ he tindo wuntuntun; E pọnte nado tindo e hú nado tindo fataka, Podọ e pọnte nado tindo e di ale hú nado tindo sika. E họakuẹ hú aṣápán lẹ; Nuhe hiẹ tindo ojlo na depope ma gán yin yiyijlẹdo e go. Gbẹ̀gaa tin to adusilọ etọn mẹ; Adọkun po gigo po sọ tin to amiyọnlọ etọn mẹ. Aliho etọn lẹ gọ́ na awuvivi, Ali etọn lẹpo wẹ sọ gọ́ na jijọho. Atin ogbẹ̀ tọn de wẹ e yin na mẹhe nọ tẹdego lẹ, Podọ ayajẹnọ wẹ mẹhe nọ hẹn e go gligli lẹ.
  • Howhinwhẹn lẹ 3:13-18, NWT

• Ayihaawe ma tin dọ zinzin mẹde tọn na hẹn ẹn whleawu nado gblehomẹ, Podọ gigo wẹ e yin na ẹn nado nọ miọnnukundo nuṣiwa.
  • Howhinwhẹn lẹ 19:11, NWT

• Ovi nulunọ wẹ homẹgble otò etọn tọn: Avùn asi tọn taidi jikun jija.
  • Howhinwhẹn lẹ 19:13, KJV

• E pọnte nado yin wamọnọ bo nọ zinzọnlin to tenọgli mẹ Hú nado yin nulunọ bo nọ dolalo.
  • Howhinwhẹn lẹ 19:1, NWT

• Túntóai do linlẹn go, Na a ni sọ yí oplòn, Na hiẹ nido yọnnuin to pòdo towe.
  • Howhinwhẹn lẹ 19:20, KJV

• Nọ dotoaina ayinamẹ bo nọ kẹalọyi mẹplọnlọ, Na hiẹ nido yọnnuin to sọgodo.
  • Howhinwhẹn lẹ 19:20, NWT

• Ovi nuyọnẹntọ basi homẹhùn otọ́ etọn tọn: Ṣigba ovi nulunọ wẹ awubla onọ etọn tọn.
  • Howhinwhẹn lẹ 10:1, KJV

• Gigo Jiwheyẹwhe tọn wẹ nado nọ hẹn whẹho de di aṣli, Amọ́, gigo ahọlu lẹ tọn wẹ nado nọ dindona whẹho de.
  • Howhinwhẹn lẹ 25:2, NWT

• Na nuyọnẹn susugege nọ hẹn flumẹjijẹ susugege wá, Enẹwutu, mẹdepope he hẹn oyọnẹn sudeji hẹn awufiẹsa sudeji.
  • Yẹwhehodọtọ 1:18, NWT

• Mẹnu wẹ taidi dawe nuyọnẹntọ lọ? Mẹnu wẹ yọ́n lehe yè nọ didẹ nuhahun de do? Nuyọnẹn gbẹtọ tọn nọ hẹn nukunmẹ etọn họ́n bosọ nọ de nukunmẹ yinylọ́n etọn sẹ̀. Yẹn dọmọ: “Setonuna gbedide ahọlu tọn, na whiwhle towe to Jiwheyẹwhe nukọn wutu. A yawu nado tọ́n sọn nukọn etọn blo. A sọ nọgodona nuylankan depope blo; na ewọ sọgan wà nudepope he jlo e, na ohó ahọlu tọn ma nọ yin agọjẹdo; podọ mẹnu wẹ sọgan dọna ẹn dọ, ‘Etẹ wà wẹ a te?’”
  • Yẹwhehodọtọ 8:1-4, NWT

• Opodo whẹho lọ tọn, to whenue nulẹpo ko yin sisè die: Dibusi Jiwheyẹwhe nugbo lọ+ bo setonuna gbedide etọn lẹ, na ehe wẹ nubiọtomẹsi gbẹtọ tọn lẹpo. Na Jiwheyẹwhe nugbo lọ na dawhẹna nuhe yin wiwà lẹpo, gọna nuhe whlá lẹpo, nado yọnẹn eyin e yin dagbe kavi oylan.
  • Yẹwhehodọtọ 12:13-14 NWT

• Huenẹ gbọn ojonọ lọ tọn dali, he ma tin sọn Islaeli omẹ towe lẹ mẹ gba, whenuena é na tọ́n sọn otò dindẹn de mẹ wá na oyín towe tọn wutu; (Na yé na sè linlin oyín daho towe tọn, po alọ hlọnhlọnnọ towe tọn po, po awàdindlẹn jẹgbonu towe tọn po;) whenuena ewọ na wá bo hodẹ́ hlan ohọ̀ he kọ̀n; Hiẹ ni sè to olọn otẹn fìninò towe mẹ, bo wà kẹdẹdi ehe ojonọ lọ ylọ hlan we na lẹpo; na akọta aigba tọn lẹpo nido yọ́n oyín towe, nado nọ dibusi we, dile Islaeli omẹ towe lẹ to wiwà do, podọ yé nido yọnẹn dọ yè ylọ ohọ̀ he ehe yẹn ko dó lọ gbọn oyín towe dali.
  • 1Ahọlu lẹ 8:41-43, KJV

Hoyidọ lẹ gando Sọlomọni go

• Ahọsi hùwaji tọn na fọ́n to whẹdazángbè po omẹ whẹndo he tọn lẹ po bo na gblewhẹdo yé: na é sọn aihọn pòdo dali wá nado sè nuyọnẹn Sọlomọni tọn: do ayi e go, mẹhe klohú Sọlomọni tin to ofi.
  • Jesu, Luku 11:31, KJV
  • Lẹdogbedevomẹ devo:
  • Ahọsi hùwaji tọn na yin finfọn to whẹdida whenu po omẹ whẹndo ehe tọn lẹ po bo na gblewhẹdo yé, na ewọ wá sọn opodo aigba tọn lẹ nado sè nuyọnẹn Sọlomọni tọn. Ṣigba pọ́n! mẹde he hugan Sọlomọni tin tofi.
    • Luke 11:31 (NWT)