Owe Wiwe lẹ—Lẹdogbedevomẹ Aihọn Yọyọ Tọn

Owe Wiwe lẹ—Lẹdogbedevomẹ Aihọn Yọyọ Tọn lọ yin lẹdogbedevomẹ lọ Biblu tọn de he yin zinzinjẹgbonu gbọn Watch Tower Bible and Tract Society dali. Adà Alẹnu Yọyọ lọ tọn lọ yin didetọn to 1950, taidi Lẹdogbedevomẹ Aihọn Yọyọ lọ tọn Owe Wiwe Glẹki Klistiani tọn lẹ tọn, bọ Biblu lọ blebu wa yin didetọn to 1961; Kunnudetọ Jehovah tọn lẹ wẹ nọ yi ì zan bosọ nọ má ẹn na mẹdevo lẹ.

Hoyidọ

Jenẹsisi

• To bẹjẹeji Jiwheyẹwhe dá olọn lẹ po aigba po.
  • Jenẹsisi 1:1

Eksọdusi

• Enẹgodo, ahọlu Egipti tọn dọho hẹ yọnnu vijinamẹtọ Heblu lẹ he oyín yetọn nọ yin Ṣifla po Pua po, bo dọna yé dọmọ: “To whenue mì to alọgọna yọnnu Heblu he to ajidònu lẹ, mì dona nọ hù ovi lọ eyin sunnu wẹ; amọ́ eyin yọnnu wẹ, mì dona nọ pò e dogbẹ̀.”
  • Eksọdusi 1:15,16

Levitiku

• Jehovah sọ ylọ Mose bo dọhlan ẹn sọn gòhọ opli tọn lọ mẹ dọmọ: “Dọna Islaelivi lẹ dọ, ‘Eyin mẹdepope to mì mẹ jlo na basi avọ́nunina de hlan Jehovah sọn kanlin whégbè tọn lẹ mẹ, e ni de avọ́nunina etọn sọn kanlinpa kavi lẹngbọpa etọn mẹ.
  • Levitiku 1:1,2

Sọha lẹ

• “De sunnu dopo sọn hẹnnu dopodopo mẹ dogọ dewe; dopodopo yetọn dona yin nukọntọ whédo otọ́ etọn tọn.
  • Sọha lẹ 1:4

Deutelonomi

• Ohó he Mose dọna Islaeli pete to lẹdo Jọdani tọn mẹ to danfafa ji lẹ die, yèdọ to dankló he pannukọn Sufi lọ ji, to Palani, Tofeli, Labani, Hazelọti po Dizahabi po ṣẹnṣẹn.
  • Deutelonomi 1:1

Isaia

• Na e họnwun dọ aigba na gọ́ na oyọnẹn Jehovah tọn Dile osin ṣinyọ́n ohù ji do.
  • Isaia 11:9b

• E yin vivlẹko bọ gbẹtọ lẹ dapana ẹn, Dawe de wẹ e yin he dona jiya bosọ jẹakọ hẹ awutu. E taidi dọ nukunmẹ etọn yin whiwhla do mí wẹ nkọ. E yin vivlẹko bọ mí gbẹ́ ẹ dai.
  • Isaia 53:3

• Adánwanu depope he yin awuwlena sọta we ma na tindo kọdetọn dagbe, Hiẹ nasọ gblewhẹdo odẹ́ depope he fọ́n do ji we to whẹdida mẹ. Ogú de wẹ ehe yin na devizọnwatọ Jehovah tọn lẹ, Podọ dè e wẹ dodowiwa yetọn nọ wá sọn,” wẹ Jehovah dọ.
  • Isaia 54:17

• “Fọ́n, hiẹ yọnnu E, tá hinhọ́n, na hinhọ́n towe ko wá. Gigo Jehovah tọn ko họnwun do ji we. Na, pọ́n! zinvlu na ṣinyọ́n aigba ji. Bọ zinvlu gọ́ngọ́n na ṣinyọ́n akọta lẹ ji; Ṣigba, Jehovah na tá hinhọ́n do hiẹ ji, Podọ gigo etọn na yin mimọ to ji we. Akọta lẹ na yì hinhọ́n towe kọ̀n. Bọ ahọlu lẹ na yì whanpẹ daho towe he to sisẹ́ lọ kọ̀n.
  • Isaia 60:1-3

Salmu lẹ

• Ayajẹnọ wẹ mẹhe ma nọ zinzọnlin sọgbe hẹ ayinamẹ mẹylankan lẹ tọn. Bo ma nọ nọte to aliho ylandonọ lẹ tọn ji. Bo masọ nọ sinai to oján mẹṣankotọ lẹ tọn ji.
  • Salmu lẹ 1:1