Ohàn Sọlomọni Tọn

Ohàn Sọlomọni Tọn yin owe Biblu tọn dé. É bẹ Weta ṣinatọ̀n hẹn. Yedọ Ahọlu Sọlomọni wẹ basi kandai etọn.

Hoyidọ lẹ jlado

“Gbọ ewọ ni yí nùflo etọn do donùnùgo na mi, - Na owanyi he a dohia mi pọnte hú ovẹn hàn."
New International Version, Ohàn Sọlomọni Tọn 1:2
Ohàn vivi titengbe hugan Sọlomọni tọn lẹ: :“Gbọ ewọ ni yí nùflo etọn do donùnùgo na mi, Na owanyi he a dohia mi pọnte hú ovẹn. Owán gblingblin amì towe lẹ tọn yọ́nsè. Yinkọ towe taidi amì owán gblingblinnọ he yin kinkan jẹgbonu. Enẹ wẹ zọ́n bọ awhli lẹ do yiwanna we. Gbọ mí ni zọ̀n; dike mí ni họ̀nwezun. Ahọlu ko hẹn mi biọ abò etọn lẹ mẹ! Gbọ mí ni jaya, dike ma jẹaglin hẹ we. Gbọ mí ni pà owanyi he a dohia hugan ovẹn. Abajọ yé do yiwanna we.
Owe Wiwe lẹ—Lẹdogbedevomẹ Aihọn Yọyọ Tọn, Ohàn Sọlomọni Tọn 1:1-4
Hiẹ mẹyiwanna ṣie, yẹn yí we jlẹdo osọ́ asi de go to osọ́-kẹkẹ Falo tọn lẹ mẹ. Aṣọ́donu lẹ hẹn alaka towe yọnwhanpẹ, A sọ yí ojẹ́ lẹ do doaṣọ́na okọ̀ towe. Mí na basi aṣọ́donu sika tọn lẹ na we, Fataka nasọ gbọn e go.
New International Version, Ohàn Sọlomọni Tọn 1:9-11.
Odi ozúya tọn wẹ mẹyiwanna ṣie yín na mi; Ewọ na nọnó ṣẹnṣẹn akọ́n ṣie tọn.
Mẹyiwanna ṣie taidi odi amakikọ́ atin kiplessi tọn To vẹ̃ngle Engẹdi tọn mẹ. Mẹyiwanna ṣie tin na mi taidi ohín alaali tọn, To vẹngle Ẹn-gẹdi tọn lẹ mẹ.”

Ohàn Sọlomọni Tọn 1:13-14, King James Version

“Pọ́n! Mẹyiwanna ṣie, hiẹ yọnwhanpẹ. Pọ́n! A yọnwhanpẹ. Nukun towe lẹ taidi apoe tọn lẹ.” “Pọ́n! Mẹyiwanna ṣie, hiẹ yọnwhanpẹ bosọ jọmẹ. Alà lẹ ṣẹnṣẹn wẹ adọzan mítọn tin te. Atin kedali tọn lẹ wẹ dòtin ohọ̀ mítọn tọn, Podọ atin junipeli tọn wẹ mí yí do gla ẹ.
Owe Wiwe lẹ—Lẹdogbedevomẹ Aihọn Yọyọ Tọn,Ohàn Sọlomọni Tọn 1:15-17
"Vounvoun gbémẹ tọn he to dankló huto tọn ji poun de wẹ yẹn, Vounvoun agbàdo mẹ tọn de.”" "Taidi vounvoun de to owùn lẹ ṣẹnṣẹn Mọ wẹ mẹyiwanna ṣie te to viyọnnu lẹ ṣẹnṣẹn.” Taidi pọmu-tin de to atin zungbo mẹ tọn lẹ ṣẹnṣẹn, Mọ wẹ mẹyiwanna ṣie te to visunnu lẹ ṣẹnṣẹn. Yẹn jlo vẹkuvẹku nadosinai to oyẹ̀ etọn glọ, Sinsẹ́n etọn sọ vivi to onù ṣie mẹ. E plan mi biọ owhé hùnwhẹ tọn gbèOwanyi etọn sọ ṣinyọnyẹ ji e. Yí akla hìhì ovẹn sinsẹ́n tọn lẹ do fakọna mi; Yí pọmu do hẹn mi dogbẹ̀, Na owanyi ko doazọ̀n mi wutu. Amiyọnlọ etọn tin to ota ṣie glọ, Adusilọ etọn sọ gbò mi fán.
New International Version, Ohàn Sọlomọni Tọn 2:1-6.
Mẹyiwanna ṣie taidi otẹgbọẹ, yèdọ taidi agbanlin winyanwinyan de. E tin to ote to adó mítọn godo Bo to nupọn gbọn fleṣenu, E to nupọn gbọn nùvo fleṣe lọ tọn lẹ nù, Mẹyiwanna ṣie dọho, e sọ dọna mi dọ: ‘Fọ́n, mẹyiwanna ṣie, Yọnnu whanpẹnọ ṣie, gbọ mí ni yì. Pọ́n! avivọ-whenu ko juwayi, Jikun ko doalọte bọ ojlẹ etọn ko wayi. Vounvoun lẹ ko gbàsẹ́ to aigba lọ ji, Ojlẹ ko sọ̀ nado pà ota na yé, Podọ nudidọ owhlé tọn ko yin sisè to aigba mítọn ji. Ovòtin ko de sinsẹ́n tintan etọn lẹ tọ́n; Vẹntin lẹ ko gbàsẹ́ bo to owán gblingblin de. Mẹyiwanna ṣie, fọ́n bo wá. Yọnnu whanpẹnọ ṣie, gbọ mí ni yì. Hiẹ apoe ṣie E, to oslò mẹ, To oslò osó he tin to aga pete tọn mẹ, Gbọ yẹn ni mọ we bo sè ogbè towe, Na ogbè towe nọ yọ́nsè, awusọhia towe sọ nọ yọ́npọ́n.’” “Wle owọ̀ lẹ na mí, Owọ̀ ovu he nọ hẹn vẹngle gble lẹ, Na ovẹn mítọn lẹ ko gbàsẹ́.” “Ṣie wẹ mẹyiwanna ṣie bọ yẹn sọ yin ewọ tọn. E to lẹngbọ lẹ yìn to vounvoun lẹ ṣẹnṣẹn.
New International Version, Ohàn Sọlomọni Tọn 2:9-16.
“Pọ́n! Mẹyiwanna ṣie, hiẹ yọnwhanpẹ. Pọ́n! A yọnwhanpẹ. Nukun towe lẹ taidi apoe tọn lẹ to nukunmẹṣinyọnnu towe glọ. Oda towe taidi apó gbọgbọẹ lẹ tọn He to tejẹ sọn osó Giliadi tọn lẹ ji. Adú towe lẹ taidi apó lẹngbọ he yè ṣẹṣẹ pà ofún na lẹ tọn He ja sọn fie yè lawu na yé te, Yemẹpo wẹ sọ nọ ji ahoho, Depope to yé mẹ masọ hẹn ovi etọn bu. Nùflo towe lẹ taidi sekan vẹẹ ṣẹ́ṣẹ́, Ohó towe sọ nọ yọ́nsè. Taidi pomeglanate he yè zẹ̀, Mọ wẹ Alaska towe lẹ te to nukunmẹṣinyọnnu towe glọ. Okọ̀ towe taidi atọ̀họ̀ Davidi tọn, He yè yí zannu pipà lẹ do gbá He ji awọ̀yinu fọtọ́n yin piplado, Yèdọ awọ̀yinu loboto sunnu huhlọnnọ lẹ tọn lẹpo. Anọ́ towe awe lẹ taidi otẹgbọẹvu awe, Ahoho otẹgbọẹ de tọn, He to núdù to vounvoun lẹ ṣẹnṣẹn.” “Kakajẹ whenue jẹhọn flẹ́flẹ́ okle tọn na yìn bọ oyẹ̀ na busẹ, Yẹn na wleali dedo osó zuya tọn ji Podọ yì okọ́ta nuyọnwan gblingblin tọn ji.” Mẹyiwanna ṣie, a yọnwhanpẹ taun Oblọ depope masọ tin to gowe. Asiyọyọ ṣie, gbọ mí ni yì sọn Lẹbanọni, Gbọ mí ni yì sọn Lẹbanọni. Jẹte sọn aga pete Amana tọn, Sọn aga pete Senili tọn, sọn aga pete Hẹlmọni tọn, Sọn odò kinnikinni lẹ tọn mẹ, podọ sọn osó opọ̀ lẹ tọn ji.
New International Version, Ohàn Sọlomọni Tọn 4:1-8
Nọviyọnnu ṣie, asiyọyọ ṣie, hiẹ ko duto ahun ṣie ji Eyin hiẹ pọ́n mi dopo tata, podọ eyin n’sọnukunmọ apadewhe kọnú towe tọn, A nọ duto ahun ṣie ji. Nọviyọnnu ṣie, asiyọyọ ṣie, lehe owanyi he a nọ dohia mi dọnmẹdogo do sọ! Owanyi he a nọ dohia mi pọnte taun hú ovẹn, Owán gblingblin nuyọnwan towe tọn sọ hugan nuwhẹ́nkun depope! Asiyọyọ ṣie, owínjá to kùnkùn sọn nùflo towe lẹ mẹ. Owín po anọ́sin po tin to odẹ́ towe glọ, Podọ owán gblingblin awù towe lẹ tọn taidi owán gblingblin Lẹbanọni tọn. Nọviyọnnu ṣie, asiyọyọ ṣie, hiẹ tin taidi jipa he yin ginglọn de, Mọwẹ, jipa he yin ginglọn de, asisa osin tọn he yin titlẹ́ gbanun-gbanun de. Awusọhia towe taidi jipa pomeglanate tọn Gọna sinsẹ́n dagbe hugan lẹ, alaali po atin owán gblingblinnọ lẹ po, Atin owán gblingblinnọ po vounvoun gbémẹ tọn po, gọna ofán owán gblingblinnọ po kinamọni po, Gọna atin nuyọnwan gblingblin tọn wunmẹ lẹpo, zuya po aloẹsi po Po onú owán gblingblinnọ dagbedagbe lẹpo po. Jipa asisa osin tọn de wẹ hiẹ, yèdọ dotọ̀ osin he wé tọn, Podọ osinwhín he to sisà sọn Lẹbanọni Jẹhọn agewaji tọn E, yìn; Jẹhọn hùwaji tọn E, wá. Yìn do jipa ṣie mẹ. Gbọ owán gblingblin etọn ni gbàpe.” “Gbọ mẹyiwanna ṣie ni wá jipa etọn mẹ Bo dù sinsẹ́n dagbe hugan he tin to e mẹ lẹ.”
New International Version, Ohàn Sọlomọni Tọn 4:9-16
“Nọviyọnnu ṣie E, asiyọyọ ṣie, Yẹn ko biọ jipa ṣie mẹ. N’ko ṣinyan zuya po nuwhẹ́nkun ṣie po. N’ko dù owínjá po owín ṣie po; N’ko nù ovẹn ṣie po anọ́sin po.” “Họntọn vivẹ́ lẹ emi, mì dù! Mì nù bo gbọ owanyi he yin didohia ni mú mì!”
New International Version, Ohàn Sọlomọni Tọn 5:1
“Yẹn damlọn, amọ́ ahun ṣie to nukle. Mẹhe yẹn yiwanna to họ̀nhúhú!”“Hùnhọ̀n na mi, hiẹ nọviyọnnu ṣie E, mẹyiwanna ṣie Apoe ṣie, hiẹ mẹhe ma tindo oblọ! “‘Yẹn ko de tewu ṣie. Be n’nasọ gọ̀ ẹ do wẹ? Yẹn ko klọ́ afọ ṣie lẹ. Be n’nasọ hẹn yé kudiho wẹ?’Mẹyiwanna ṣie ko de alọ etọn sẹ̀ sọn odò he to ohọ̀n lọ go mẹ Podọ numọtolanmẹ he yẹn tindo na ẹn ko doazọ̀n mi. Yẹn fọ́n nado hùnhọ̀n na mẹyiwanna ṣie; Zuya to kùnkùn sọn alọ ṣie lẹ go, Zuya osin-nọ to kùnkùn sọn alọvi ṣie lẹ go, Do nuhe nọ hùn ohọ̀n lọ go. Yẹn hùnhọ̀n na mẹyiwanna ṣie, Ṣigba, mẹyiwanna ṣie ko lẹkọ dedo, e ko yì. N’jẹflumẹ to whenue mẹyiwanna ṣie yì. N’dín in, ṣigba n’ma mọ ẹn. N’ylọ ẹ, ṣigba e ma siọ mi.
New International Version, Ohàn Sọlomọni Tọn 5:2-6
Etẹwẹ hẹn mẹyiwanna towe pọnte hú mẹyiwanna devo lẹ, Hiẹ mẹhe yọnwhanpẹ tlala hugan to yọnnu lẹ mẹ? Bọ hiẹ do biọ to mí si nado whlé whiwhle mọnkọtọn?” “Mẹyiwanna ṣie yọnwhanpẹ bo bia; E sọ gbọnvo to omẹ fọtọ́n donu ao ṣẹnṣẹn. Ota etọn taidi sika, yèdọ sika dagbe dagbe. Oda etọn lẹ taidi odéma he to whinwhàn lẹ, Yé sọ diyuu taidi ohọ́n Nukun etọn lẹ taidi apoe tọn lẹ to osinwhín lẹ tó, He to awulẹ to anọ́sin mẹ, He sinai to otọ̀ he to sisà de tó.Alaka etọn lẹ taidi owhẹ̀n he ji yè do nuwhẹ́nkun lẹ do, Okọ̀ amà owán gblingblinnọ lẹ tọn. Nùflo etọn lẹ taidi